Մեր մասին

2022-2023 թթ-ին Մոդեքսը Ասիական զարգացման բանկի ֆինանսավորմամբ օժանդակել է «Հարավային Կովկասի դարպասներ» ծրագրին, որի շրջանակներում ուսումնասիրել է Հայաստանում պարենային ապրանքների արտադրության, արտահանման և ներմուծման ընթացիկ վիճակը, մշակել առաջարկություններ շուտ փչացող սննդի արագ տեղափոխման ուղիների վերաբերյալ։

2022-2023 թթ-ին Մոդեքսը ԱՄՆ ՄԶԳ-ի (USAID) ֆինանսավորմամբ, CARD-ի կողմից իրականացվող RED-NEO ծրագրի շրջանակներում իրականացրել է Հայաստանի գյուղական համայնքներում կանանց ձեռներեցության ուսումնասիրություն։

Ծրագրի շրջանակներում Մոդեքսը լայնածավալ առաջնային և երկրորդային տվյալների հիման վրա ուսումնասիրել է կանանց շրջանում ձեռներեցության ընթացիկ վիճակը Հայաստանում, բացահայտել հիմնական խոչընդոտները և առաջարկել ուղիներ դրանց հաղթահարման համար։

2022-2023 թթ-ին Մոդեքսը German Economic Team-ի (GET) ֆինանսավորմամբ իրականացրել է Հայաստանից Ռուսաստան աճող արտահանման ուսումնասիրություն։ Ծրագրի շրջանակներում Մոդեքսը գնահատել է ռուս-ուկրաինական պատերազմի հետևանքով Հայաստանից Ռուսաստան աճող վերաարտահանման ծավալները ու բացահայտել հիմնական վերաարտահանվող ապրանքները։

2023 թ-ին Մոդեքսը German Economic Team-ի (GET) ֆինանսավորմամբ իրականացրել է Հայաստանից ավտոմեքենաների վերաարտահանման բիզնեսի ուսումնասիրություն: Ծրագրի շրջանակներում Մոդեքսը իրականացրել է Հայաստանից ավտոմեքենաների վերաարտահանման բիզնեսի արժեշղթայի վերլուծություն, գնահատել է Հայաստանից ավտոմեքենաների վերաարտահանման ծավալները, բիզնեսի ստեղծած ավելացված արժեքը, վճարած հարկերը և դերը տնտեսության համար։

2022-2023 թթ-ին Մոդեքսը՝ Ամերիա խորհրդատվական ընկերության հետ միասին, ԱՄՆ ՄԶԳ-ի (USAID) ֆինանսավորմամբ մշակել է Հայաստանի արտահանման ռազմավարական ծրագիրը։ Ծրագրի շրջանակներում մշակվել են ՀՀ արտահանման զարգացման գործողությունների պլանը, մոնիթորինգային ցուցանիշների ցանկը և գնահատվել է յուրաքանչյուր միջոցառման համար անհրաժեշտ ֆինանսական միջոցների չափը։

Ասիական զարգացման բանկի  (ԱԶԲ) ֆինանսավորմամբ Մոդեքսը 2020թ-ին ՀՀ էկոնոմիկայի նախարարության համար իրականացրել է Հայաստանի արտաքին առևտրի վրա COVID-19 համավարակի ազդեցության վերաբերյալ հետազոտություն։

Հետազոտության շրջանակներում գնահատվել են COVID-19-ի ազդեցությունը ՀՀ ներմուծման և արտահանման վրա, բացահայտվել են ընտրված ապրանքների մատակարարման շղթաների հետ կապված խնդիրները և մշակող արդյուաբերության ոլորտի խոշոր արտադրողների համավարակի բռնկման հետևանքները։

2020թ-ին Գերմանական միջազգային համագործակցության ընկերության (GIZ) ֆինանսավորմամբ Մոդեքսը Ձեռնարկությունների ինկուբատոր հիմնադրամի հետ համագործակցությամբ իրականացրել է Հայաստանի տեխնո-ձեռներեցության էկոհամակարգում միջազգային տաղանդների ներգրավման կարիքների գնահատում և հայեցակարգի մշակում։ Ծրագրի շրջանակներում ուսումնասիրվել են Հայաստանի տեխնոլոգիական ձեռներեցության ընթացիկ վիճակը, գնահատվել են Հայաստանի տեխնոլոգիական ոլորտում տարածաշրջանային ու միջազգային տաղանդների ներգրավման կարիքները և միջազգային փորձի ուսումնասիրության հիման վրա մշակվել է հայեցակարգ՝ ներառյալ ֆինանսական կանխատեսումների մոդել, այդ գործընթացը համակարգված կազմակերպելու համար։

2020թ-ին չրերի արտադրությամբ զբաղվող ՍանԼենդ ՍՊԸ-ի համար Մոդեքսը իրականացրել ֆինանսական և մոդելի և  և բիզնեսի մոդելի մշակում։

Ծրագրի շրջանակներում Մոդեքսը մշակել է գնային քաղաքականություն, իրականացրել ֆինանսական արդյունքների կանխատեսում, ոլորտի փորձագետների ներգրավմամբ մշակել ֆինանսական մոդել և բիզնես մոդել, պոտենցիալ ներդրողների համար պատրաստել գործունեության ամփոփ նկարագիր։

2019 թ-ին Մոդեքսը մասնակցել է Հայաստանի արդյունաբերության զարգացման ռազմավարության մշակման աշխատանքներին, որի շրջանակներում իրականացրել է Հայաստանում արտադրողականության հաշվարկ, Հայաստանի և համադրելի երկրների համեմատական վերլուծություն, իրականացրել է խորքային հարցազրույցներ միջազգային խոշոր կորպորացիաների հայաստանյան դուստր կազմակերպությունների ներկայացուցիչների հետ, ինչպես նաև մշակել է առաջարկներ արտադրողականության բարձրացման համար։

2020թ-ին օտարերկրյա մասնավոր ներդրող պատվերով Մոդեքսը ոլորտային մասնագետների ներգրավմամբ իրականացրել է Վայոց Ձորի մարզում խաղողի ինտենսիվ այգու և գինու գործարանի հիմնման իրագործելիության ուսումնասիրություն՝, ներառյալ խաղողի այգու հիմնման տեխնիկական հատակագծի մշակում, գինու գործարանի արտադրական սարքավորումների կարիքների հաշվարկ, ֆինանսական մոդելի պատրաստում և շուկայի ուսումնասիրություն։